جـرّیـت الــقـلـم مـشـیـتـه عــل اوراق..........ابکل صدر او عجز مرتین یـتعثّر

مریت او ذکـرت المـنـذبـح عـطـشـان          ذبح روحه القلم عل ورقه واتکوّر

علی راس الـرمـح راس القـلم رفعیت          مشینه او یل سبایه او گلبی اتفطّر

مـــرّه انــظـر نساء العل هزل وتنوح          من صوت الزجر بمتونـهـن اثــــّر

او مره انظر علیل امگیــّد اومچتوف          بـآیــات الصـبـر یتلی اولـهُـم صبّر

عـفـیـه اُم الصــبر زیـنـب تــراکی      اُسوه والخلگ کلهـا تــراکی

ابجدم صبرچ أنف خصمچ تراکی       ابعزم حیدر یبت سید البریه

اوعاینت اوشفت طفله ابهجیر الـضیم          بت مسلم حمیده او دمــعـی اتـفجّر

صاحـت یـاقـلـم اکـتبلی بیت ارجوک          عـن مُـســلـم ابوی البـیه دوم أفـخر

أفتخر بی انچتل شیعی ومسلم        ابوی او ما طبع للذل ومسلم

تـمـنـیـت البطل هــانی ومسلم        یــم احسین برض القاضریّه

اوصدّیت او شفت بنت الحسین اتصیح         یا مذبوح بویه او صدرک امکسّر

علیک الگلب لو یبچی بچبدای       او نار الحزن تچوینی بچبدای

یدمعه بــیــچ اتــسلّــه بـچبدای       او بیچ الگلب نیرانه ســـــریّه

او چن اسمع رباب اتصیح هایحسین           یا زهرة حیاتی الـبـیـک بس ازهر

الی لوعه ابوسط گلبی ولیهم            او لـتـظـن الاهـل تنسه ولیهم

بعد هــم ترجع ایامک ولیهم            تعود او انسه ضیم المر علیّه

او جبت راس القلم من السبی او ردیت        وبــن حـذلــم نـعـا او بعد النعی کبّر

یـــا اهـــل الــمـدیـنـه احسینک مذبـوح        ویزید الـلـعـیـن ابــچـتــلـه یـتـبـختـر

او نعت ام الــبـنـیـن او بـچـت الاکـوان        او بسم احسین گالت بـیـت وتــفـسّر

بینه الفلک یبنی اشلون هلدار             اوعگب احسین عیب اسکنت هلدار

یبوفاضل حلال اعلیک هلدار             ارفعت راسی لـعـنـد ابــن الزچـیـّه

کلمات ملا ایوب الکربلایی زرگانی

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: